ມາເລເຊຍ ຍື່ນໃບຄຳຮ້ອງຂໍເຂົ້າຮ່ວມບຣິກສ໌
ວິທະຍຸກະຈາຍສຽງ ຫວຽດນາມ ລາຍງານໃຫ້ຮູ້ໃນວັນທີ 29 ກໍລະກົດ 2024 ນີ້ວ່າ: ວັນທີ 28 ກໍລະກົດ ຜ່ານມາ, ສຳນັກຂ່າວສານເບີນາ
ມາ (Bernama) ຂອງ ມາເລເຊຍ ໃຫ້ຮູ້ວ່າ: ມາເລເຊຍ ໄດ້ຍື່ນໃບຄຳຮ້ອງຂໍເຂົ້າຮ່ວມກຸ່ມບັນດາປະເທດທີ່ມີພື້ນຖານເສດຖະກິດຫາກໍ່ພົ້ນເດັ່ນ
ແຖວໜ້າຂອງໂລກ ຫຼື ບຣິກສ໌ (BRICS) ເຖິງ ຣັດເຊຍ, ເຊິ່ງເປັນປະເທດປະທານໝູນວຽນຂອງບຣິກສ໌.
ໃນໃບຄຳຮ້ອງ, ມາເລເຊຍ ໄດ້ສະແດງຄວາມພ້ອມເຂົ້າຮ່ວມກຸ່ມ ໃນຖານະເປັນປະເທດສະມາຊິກ ຫຼື ຄູ່ຮ່ວມມືຍຸດທະສາດ. ໃນວັນດຽວກັນ,
ກະຊວງການຕ່າງປະເທດ ມາເລເຊຍ ໄດ້ອອກຖະແຫຼງການວ່າ: ຣັດເຊຍ ໄດ້ໃຫ້ຄຳໝັ້ນສັນຍາຈະສະໜັບສະໜູນ ມາເລເຊຍ ເຂົ້າຮ່ວມກຸ່ມດັ່ງກ່າວ.
ຖະແຫຼງການ ໄດ້ໃຫ້ຮູ້ວ່າ, ຄຳໝັ້ນສັນຍາດັ່ງກ່າວ ມີຂຶ້ນໃນລະຫວ່າງການພົບປະກັນຂອງ ທ່ານ ເຊີເກ ລາບຣັອບ (Sergey Lavrov) ລັດຖະມົນ
ຕີກະຊວງການຕ່າງປະເທດ ຣັດເຊຍ ແລະ ທ່ານ ອັນວາ ອິບຣາຮິມ (Anwar Ibrahim) ນາຍົກລັດຖະມົນຕີ ມາເລເຊຍ. ປີ 2006, ລັດຖະມົນຕີ
ກະຊວງການຕ່າງປະເທດ ບັນດາປະເທດບຣິກສ໌ ໄດ້ຈັດການພົບປະກັນຄັ້ງທຳອິດ, ເປັນການໄຂສັງກາດແຫ່ງການຮ່ວມມືບັນດາປະເທດບຣິກສ໌. ມາ
ຮອດປັດຈຸບັນ, ຜູ້ນຳບັນດາປະເທດເສດຖະກິດທີ່ຫາກໍພົ້ນເດັ່ນ ໄດ້ຈັດການພົບປະກັນຢ່າງເປັນທາງການ ແລະ ບໍ່ເປັນທາງການທັງໝົດ 15 ຄັ້ງ. ໃນ
ເດືອນ ສິງຫາ ປີ 2023, ກອງປະຊຸມພົບປະຄັ້ງທີ 15 ຂອງຜູ້ນຳບັນດາປະເທດບຣິກສ໌ ໄດ້ຈັດຂຶ້ນຢູ່ນະຄອນໂຈຮັນເນັສເບີກ, ປະເທດອາຟຣິກາໃຕ້
ໂດຍໄດ້ຕົກລົງທີ່ຈະຂະຫຍາຍສະມາຊິກຂອງກົນໄກຮ່ວມມືດັ່ງກ່າວ. ວັນທີ 1 ມັງກອນ 2024, ປະເທດ ອາຣັບບີ ຊາອຸດິດ, ເອຢິບ, ສະຫະນະຄອນ
ເອມິຣັດ ອາຣັບ, ອີຣານ, ເອທິໂອປີ ໄດ້ກາຍເປັນປະເທດສະມາຊິກທາງການຂອງກົນໄກຮ່ວມມືປະເທດບຣິກສ໌.
ນັບແຕ່ສ້າງຕັ້ງກົນໄກຮ່ວມມືດັ່ງກ່າວເປັນຕົ້ນມາ, ບັນດາປະເທດບຣິກສ໌ ໄດ້ມີພື້ນຖານການຮ່ວມມື ທີ່ນັບມື້ນັບໜັກແໜ້ນຍິ່ງຂຶ້ນ, ຂົງເຂດການ
ຮ່ວມມືເປີດກວ້າງອອກເທື່ອລະກ້າວ, ກາຍເປັນກຳລັງສ້າງສັນ ທີ່ຊຸກຍູ້ການເຕີບໂຕຂອງເສດຖະກິດໂລກ, ປັບປຸງການຄຸ້ມຄອງໂລກໃຫ້ສົມບູນຂຶ້ນ
ແລະ ຊຸກຍູ້ສາຍພົວພັນສາກົນຫັນເປັນແບບປະຊາທິປະໄຕ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/08/2024